شعر_گیلکی

شعر_گیلکی

آسمان  ابری هوایه، هیچ دانی ؟

اَ سیاابر، پا به مایِه، هیچ دانی ؟

هَرتاَ جولفِه جاجیگایَا  پا ننن

شایِدم خوتکا نمایِا، هیچ دانی ؟

بیخودی تی دیل نبه خوش یارِه جَه

اون هیزار جا آشنایِه، هیچ دانی؟

سفره سر هولَا نوکون، آرام بیگیر

سهم تی شین سردِه پلایِه، هیچ دانی ؟

مجلسِه جور اربابه جایه، ویریز

امی نیشتن جا،  سیوایه، هیچ دانی ؟

مرغِه تقدیرا داری تو،جا تی شین

یا عروسی یا عزایِه، هیچ دانی ؟

اون کی خو راسهِ دسا تی سر بنا

تی مانستن بی نوایِه، هیچ دانی ؟

کِه بیدایی کی بُودُوِه آبه سر؟!

رودخانه جایه شنایِه، هیچ دانی ؟

هرچی نالم من تره، خندا دری

ان دِه تی تازه بنایِه، هیچ دانی ؟

ایپچه آرام،  سرصدا کمتر بوکون

بی کسانِه کَس خودایِه، هیچ دانی ؟

شهرام_دفاعی

loulemancity