کوچسفان اوخان جی ایه تا اوسرامندان دره!

کوچسفان اوخان جی ایه تا اوسرامندان دره!

آدم دیل گیره وختی هرجا شی تی شار ایسم ایجور ده به زوان آورده . آخه تا کی واستی به بد نامی معروف ببه امی شار. به قول کاس برار خورم گب زئیی : «اویر بی بی بختر تا کی بد نام بی بی» آخ تی زوان ره بمیرم کاس برار جان . چی گبی بزیی تو . واقعنی دونیا هاتویه . رو روشکه باموک. صد رحم به چارشمبه بازار. چن وخت پیش کی بوشوم بوم رشت ایتا دکان مئن پوستر ایتا برنامه فرهنگی یه چاپ بوکونم ایدفایی ایتا چاق مردای واگردسته بوگوفته : کوچسفان دورونی کار فرهنگی یم مگر انجام به؟ کوچسفان مئن فقط اون آب شار معروف برار . فرهنگ چیسه کی تو خایی اونه علم بوکونی به قول معروف خایی اونه سرا لاپوشان بوکونی . هچین تره زحمت ندن تی کارن فایده ناره . او شار جا نیشا کار فرهنگی کودن  فقط ا کاران مره تانی تره گول بزنی. الان جی من گوفتن بو .

چاق مردای ک گب خیلی خیلی مره بر بوخورده می هم شارن نانم ؟!

واقعنی ده مره رو نایه بگم من کوچسفانیم . اوشانی کی ادعای فرهنگ دارده بائید ا شار چاکونید تا به بد نامی دونیا مئن معروف نبه . به قول « مش تقی رودکولی » کی همش خاندی:

خبر بامو کوچسفان فصل باهاره

دورشکا زین بزم “فرهنگ “سواره

دورشکا زین بزم مخمل اوتی

جلودار کی بوبو گدالی لوتی

ای مش تقی جان می دیل مئن کولیا دره نانم چی بوکونم ؟ کورا بشم ، بایم ؟ دونیا به خیالی خایه می سر فوکورده وختی دینم بعضن خوشان گده امره دوخانید: « پئله گئل فرهنگ کوچسفان » ! نانی کی مش تقی اجور پوچ گبان کی ایشتاوم می کله مئن آتش ول زنه ول ، اصلن خایم بوسوجم پودرابم هیچ اثری جی من باخی نمانه.

 ایتا کوچی فرهنگ دوس

آوای رشت - http://avayerasht.com -