" جغله "

غزل گیلکی " جغله "

من خوایم جغله ببم اشتالو داره واچوکم

بودو وم کولانه جور ابر بهاره واچوکم

کیشکایانه دوخانم اشنه مره گب بزنم

توره بم واتوره بم ابر بهاره واچوکم

باز امی صارا میان گول بوکونه مورغانه گول

سرخ ماهی تا بیدئم حوض کناره واچوکم

چی چی نیه دوخانم تا دس دانه بوخوره

چی چی لاسه بیگیرم لابدان تاره واچوکم

ای ته سنگه تاودم موج اوسانه روخان آب

پا بنم آب میان ای پیچه روباره واچوکم

باز اپار بازی میان پا بزنم خط سره

تا بیگید: بوسوختی تو... داد و هواره واچوکم

تا می مئار داد بزنه: کر تو ازازیله مانی

بودو وم ناز بوکونم بازم می مئاره واچوکم

چی بوبوسته پیلله بوم هیچی نیدئم جه روزگار

ای ته گرباز اوسانم عه روزگاره واچوکم.

" آذر "(اشرف الدخت صابری)

صیادی ازلولمان